29. - 31. jan. 2008 Herbergi Kiki í mótun

Um kvöldið 29. jan. fóru amma Fríður, afi Trausti, mamman og Kristófer í IKEA til að velja húsgögn í herbergið hans Kristófers. Kiki hafði nokkuð ákveðnar hugmyndir en það þurfti að skipuleggja innihald skápsins og hversu hár hann átti að vera.
Fengum okkur mat og ræddum um hvernig best væri að hafa þetta. Svo var allt ákveðið og drifið var í að kaupa flest. Amma Fríður keypti rúmið + dýnuna og síðan sjónvarpsbekkinn, afi Trausti hinsvegar keypti skápinn og það sem fór inn í hann.
Á meðan við vorum að þessu var pabbinn á heimilinu að taka niður kojuna og skápana í "gamla" herberginu hans Kiki.
Afi tók sumt í bílinn en annað var sent daginn eftir heim til okkar. Afi, amma og Kristófer voru rosalega dugleg að setja saman húsgögnin annað kvöldið var meira að segja unnið til kl. 2 um nóttina.
Mamma gat lítið hjálpað til hún fór í úlnliðs aðgerð á miðvikudeginum og gerir ekkert gagn á næstunni !
Föstudaginn 31. jan. fórum við svo með ömmu Fríði og ömmu Dúdú til að kaupa "búkollu"motturnar fyrir herbergið hans Kiki. Amma Dúdú gaf honum þær í fermingargjöf. Fengum okkur að borða m.a. var tilboð á bollum og kakó.
Nú er þetta að verða obbbbbosssssslega "cool" herbergi - flottasta sem til er og Kiki er í skýjunum með þetta allt saman.
Föstudagskvöldið endaði svo með partýi í herberginu hans Kiki - afi kom með ís í veisluna. Þá sagði Kiki svona kvöld eru "perfect"