12. feb. Enn engar fréttir frá ÍÆ

Við erum orðin virkilega spennt og vonumst til að fá fréttir sem fyrst um Stubbalínu. Pabbi er alveg viss að það verði á morgun - vonandi hefur hann rétt fyrir sér. Hann fór nefnilega með plaggið um að við ætlum að fara í einu sem öllu eftir því sem ÍÆ hefur beðið um - undirritað af okkur - síðasta fimmtudag til Guðrúnar. Þá fannst honum eins og þær teldu það líklegast að við fengjum að sjá myndina um miðja næstu viku. En Ingibjörg (sem er með okkur í hóp 17) skrifaði mömmu að Bjarni maðurinn hennar hefði rætt við ÍÆ í dag og eitthvað hefði komið upp hjá þýðandanum ! Þessvegna væri ekki líklegt að við fengjum upplýsingar á morgun.

Amma Fríður kom og náði í mömmu og þær fóru í göngutúr - það var ágætt til að dreifa huganum. Fórum niður í Skeifu í nokkrar leikfangabúðir til að kanna hvort og hvað væri til af asískum dúkkum. Í Hagkaup var ekkert til, þó var þar til svertingja dúkka. Konan í leikbæ fannst þetta nú bara skrítin spurning ! En í dótabúðinni við hliðina á góðu ísbúðinni (man ekki hvað hún heitir) þar voru 2 asískar dúkkur. Önnur frekar venjuleg - ekki mikið asísk fannst mér - hún kostaði ca. 5000 kr. En hin sem var í Tígrisbúningi - virkilega flott - var 3x dýrari. ÚPS það er allt of mikið að borga rúm 15.000 kr. fyrir dúkku ? Er það ekki - þó hún sé falleg ?

Hún er svipuð og þessi hérna á myndinni. Þessa dúkku er hægt að kaupa hér:
http://www.chinasprout.com/shop/toys

Ætli það sé ekki best að versla dúkkuna á Netinu ?


Mamman fór samt ekki tómhent heim því að hún sá rosalega sæta bleika sandala úr leðri --- NB ekki plast ! Þeir eru nr. 22 kannski passa þeir á Stubbalínu í Kína ? Svo krækti mamman líka í krúttlegar sokkabuxur. Sjá mynd:

Um kvöldið fór pabbinn að keppa í íshokkí á móti Birninum. Kom svo reifur og glaður í bragði heim og sagði að hann hefði skorað sitt fyrsta mark í leik JEi Goal !! Myndin segir meira en þúsund orð !