Slúðrið á RQ taldi frekar öruggt að við værum inni í þessu holli:
Today or Monday, Maybe
February 1st, 2008
Multiple agencies have confirmed they have something on the way from the CCAA. Some packages are expected today, others are expected Monday.
Again, we do not know that these are referrals, but there is a pretty good chance they are. We know something is on the way, we just don’t know what that something is.
The R4 that December 27th is included still stands. Please note that the R4 is not that the cut off is the 27th, but that the 27th is included.
Mamman vill nú ekki sleppa sér fyrr en við höfum fengið staðfestingu frá ÍÆ. Hafði sent tvisvar sinnum póst til ÍÆ:
Sæl og blessuð Guðrún.
Sömuleiðis Gleðilegt ár.
Því miður hef ég ekki haft tíma til að skrifa – núna er allt á fullu í skólanum og við Tommi erum að koma heim 10-11 á kvöldin. (eins og núna) !
Þú vilt kannski hafa hans addressu líka ? toj@ir.is annars kem ég þessu yfirleitt til skila ;-)
Jaaaa hvað getur maður sagt með Kína ???? Nú hef ég fylgst með RQ síðan þú lést mig vita um síðuna hennar og ég sé að allir í heiminum sama hvaðan skilja ekkert í þessu. Jóhanna María vinkona okkar í Hrísey sagði nú við mig að það væri miklu betra að fara seinna í vor því þá væri komið betra veður – það hefði verið svo helv…. Kalt þegar þau voru þar. Já við verðum auðvitað að reyna að gera gott úr þessu.
En satt best að segja er þetta orðið meira en dáldið …….. veit eiginlega ekki hvað ég á að kalla það ! Hef bara þunga tilfinningu á brjóstinu.
Nú bætist við óvissa um hvenær við getum fermt Kristófer. Höfðum tekið frá tíma hjá prestinum 11 maí og það hentaði einnig vel fyrir fjölskylduna hans frá Ítalíu sem hefur planað að koma til landsins. Vildum helst ekki hafa feminguna í mars þar sem þá verður 1 ár síðan pabbi hans lést. Það verður of erfitt fyrir Kristófer. Að vísu er líka boðið uppá dagsetninguna 6 apríl. !
Vegna þessa þá langar mig að biðja þig um áætlun á tímalínu á afgreiðsluferlinu eftir að upplýsingarnar koma frá CCAA.
Veit vel að það er erfitt að hafa nákvæmar dagsetningar en það væri gott að vita t.d.:
Hvað líður langur tími frá upplýsingum CCAA þangað til við fáum upplýsingar ?
…………………………………………………..og hvað líður að jafnaði langur tími frá því við sjáum mynd og þangað til við förum út ?
Er ekki rétt að ferðin taki hálfan mánuð ?
Mér þætti vænt um að fá þessar upplýsingar því þá getum við rætt við prestinn og jafnvel breytt dagsetningunni. ´
Ég veit að frekar litlar líkur eru á að við fáum upplýsingar um næstu mánaðamót og þarafleiðandi verðum við hættulega nálagt 11. maí.
Bestu kveðjur
Hrönn
Þetta er svarið sem við fengum:
Sæl Hrönn.
Varðandi ferðina ykkar þá er alveg rétt að vorin eru miklu betri en veturnir, þeir eru kaldari í N-Kína en hér hjá okkur.
Hvað líður langur tími frá upplýsingum CCAA þangað til við fáum upplýsingar ? Oftast 2-3 dagar, ef Gestur Pálsson er á landinu. Stundum er líka nokkurra daga bið eftir þýðingu úr kínversku.
og hvað líður að jafnaði langur tími frá því við sjáum mynd og þangað til við förum út ? Gætu verið 5-8 vikur, sjá nánar á eftir
Er ekki rétt að ferðin taki hálfan mánuð ? 15 dagar hefur verið algengt en sum héruð taka aðeins lengri tíma og sumir hópar vilja vera lengur í Beijing fyrir ættleiðinguna.
Það er óskaplega erfitt að áætla ferðatíma, sérstaklega vegna þess að eitt skjal er mjög mikilvægt, þ.e. ferðaleyfi sem kemur frá Kína og þeir eru stundum fljótir að afgreiða það og stundum seinir. Þegar uppl. um börn koma þarf Gestur barnalæknir að fara yfir þær, það eru 2 fjölsk. í ykkar hópi utan af landi og þarf að koma skjölunum þangað og fá þau til baka, það tekur nokkra daga. Síðan eru samþykkin send með DHL til Kína
Ferðin getur hafist um 5-8 vikum eftir að samþykki væntanlegra foreldra fer út til Kína og ferðin tekur rúmar 2 vikur. Það er líka alltaf erfið bið eftir ferðaleyfi því við vitum ekkert hvenær það kemur, hvort afgreiðsla tefst.
Ef upplýsingar um börn koma í byrjun febrúar gætuð þið farið út í lok mars og komið heim um miðjan apríl. Komi uppl í byrjun mars er ferðin í lok apríl og heimkoma um miðjan maí
En upplýsingar koma stundum í lok mánaðar og stundum fyrstu vikuna í mánuði, þannig að við höfum engan fastan punkt að miða við.
Mín skoðun er sú að heppilegt væri fyrir ykkur að Kristófer fermdist í mars, þrátt fyrir fráfall pabba hans á þeim tíma í fyrra. Auðvitað verður sárt fyrir hann að sakna pabba á þessum tíma, en sá söknuður verður til staðar alveg sama í hvaða mánuði hann fermist. Kannski er líka gott að hafa eitthvað skemmtilegt að hugsa um í mars og vera búin að klára ferminguna þegar næsta verkefni (ættleiðingin) tekur við. Það er heldur ekki gott fyrir væntanlega barnið að koma heim í stress og að þá byrji strax læti og gestagangur vegna fermingarinnar. Líka gæti verið erfitt fyrir Kristófer að fermingin hans drukknaði í spennu vegna nýja barnsins og áhuga allrar (íslensku) fjölskyldunnar á krílinu. Við vitum að börnin þurfa mikil rólegheit og rútínu fyrstu mánuði eftir heimkomu.
En það eru margar hliðar á málinu, þetta eru mínar vangaveltur og þið gerið auðvitað það sem hentar ykkur best. Mér sýnist a.m.k. að fyrri hluti mánaðanna þe 6.apríl og 11. maí gæti einmitt verið tími sem þið verðið úti, en allt fer eftir því hvenær CCAA afgreiðir hópinn.
Mér þykir leitt að geta ekki gefið ykkur ákveðin svör en það eru of margir óvissuþættir, allt undir CCAA komið, til að það sé mögulegt.
B kv
Guðrún
Seinni póstinn sendum við 1. febrúar:
Sæl Guðrún !
Núna er aldeilis hlaupin spenna í “roumorinn”, við bara að detta inn. Þá þarf að færa ferminguna aftur til, viltu vinsamlegast láta okkur vita sem fyrst, þegar þið fáið einhverjar fréttir. Helst jafnvel áður en gögnin fara til Gests.
Bestu kveðjur,
Hrönn og Tómas
Það kom svar við þessu 4. febrúar:
Sæl öll.
Vildi bara láta vita að mér sýnist þið vera með í þessari afgreiðslu, það er sagt að cut off sé 27 og það þýðir venjulega að þeir sem eiga lid á cut off deginum séu meðtaldir. Við höfum hins vegar ekki fengið neina sendingu og vitum því ekkert meira.
Nú er áramótafrí að hefjast í Kína og það mun eflaust seinka eitthvað afgreiðslu á ferðaleyfum. Því er líklegast að þið farið út eftir páskana eða í byrjun apríl, þegar ferðaleyfin koma.
Það hafa komið fyrirspurnir um hverjir eru að bætast í hópinn. Við vitum ekki til þess að neinir bætist í hópinn, þótt nokkrar fjölskyldur séu að bíða eftir SN börnum þá er ekki ljóst hvenær þær fara og litlar líkur á að hópur 17 fari á sama stað og þau. Þetta er allt mjög óljóst ennþá.
Bestu kveðjur
Guðrún
Enn var mamman samt skeptísk og sendi þennan póst:
Takk kærlega fyrir þessar upplýsingar Guðrún.
Mér fannst nú allt í einu ég alls ekki vera tilbúin að fara og fékk kvíða tilfinningu.!!!
Ég er samt búin að undirbúa allt vel og mikið búin að afla mér upplýsinga um allt mögulegt.
Auk þess hef ég saumað fyrir skottuna og búið til bækur og myndageisladiska handa henni.
Samt langar mig til að gera meira – læra kinversku t.d. !!!!!!
Jaaa eitthvað varð maður að finna sér til dundurs á meðan beðið var.
Ég hef þónokkrar ahyggjur af fermingunni hans Kristófers. Vorum búin að færa hana frá 11 maí til 24 mars – það var alls ekki auðvelt að finna sal ! EN núna er ég hrædd um að ekki sé heldur hægt að halda sig við þessa dagsetnignu – hvað heldur þú ??? Kannski sleppur þetta þar sem 24 er annar í páskum ?
Var kominn í startholurnar að senda út boðskortin eins gott að það var ekki búið.
Við höfum þurft að sinna Kristófer mikið frá jólum því að þau virðast hafa ýft upp minningar og sorgina. Nú er einungis rétt mánuður í það að Marcello lést – 3. mars. Jón Helgi prestur ætlar að koma nú í nokkur skipti og ræða við Kristófer.
Mætti ég biðja þig um að láta okkur vita þegar upplýsingar eru komnar í hús ? Þá meina ég einungis staðfestingu á að við séum með í þessu holli. RQ virðist hafa verið rokkandi fram og tilbaka hvort 27. væri inni en í morgun segir hún að cutoff sé 27. Þá skrollaði ég aðeins lengra í upplýsingarnar og þá vill hún meina að cutoff dagur sé ekki með !!!!!
Bestu kveðjur með von um góðar fréttir
Hrönn og co
LOKSINS LOKSINS LOKSINS kom frábær póstur frá ÍÆ 5. febrúar:
Sæl öll.
Góðu fréttirnar eru þær að nú eru komnar í hús upplýsingar um börn fyrir hópinn ykkar. Það er mikið gleðiefni og gott að vera laus við óvissuna.
Slæmu fréttirnar eru þær að það komu engar þýðingar á ensku og því getur Gestur ekki farið yfir upplýsingarnar. Nú hefur BLAS lokað vegna nýárshátíðarinnar, þeir náðu ekki að þýða fyrir fríið en segjast geta þýtt fyrir okkur eftir rúma viku, þannig að þýðingarnar gætu komið eftir 10-14 daga í tölvupósti.
Sá sem þýðir venjulega fyrir okkur hér heima getur ekki tekið þetta að sér og ég er nú að reyna að ná sambandi við annan þýðanda sem mælt er með því ekki er hægt að nota hvern sem er í þetta verk, sérstaklega eru læknisfræðilegu upplýsingarnar erfiðar.
Þetta er óvenjuleg staða sem nú er komin upp varðandi þýðingarnar og ég hef frétt frá fleirum að þau norrænu félög sem nota BLAS eru í sömu vandræðunum.
Væntanlega hefur þetta í för með sér að heldur lengra líður þangað til ferðaleyfi fæst, ég reikna með brottför ykkar til Kína í byrjun apríl.
Á meðan allt er á kínversku og ekki skoðað af Gesti eru engar nánari upplýsingar gefnar um börnin en við hlökkum mikið til að geta glatt ykkur eins fljótt og hægt er.
Bestu kveðjur
Guðrún
Mamman var algjörlega í sæluvímu og skrifaði tilbaka:
Sæl elsku Guðrún
Takk takk fyrir þessar yndislegu fréttir –ekkert hefði getað glatt mig meira. Aldrei þessu vant var ég ekki búin að vera stöðugt í tölvunni !!!
En svo þegar ég sá póstinn frá isadopt ætlaði ég aldrei að þora að opna hann – var drulluhrædd að við værum ekki inni.
Svo þegar ég loks hafði mig að lesa bréfið kom þessi líka flóðbylgja af tárum. Svo reyndi ég að stilla mig til að geta hringt í Tomma í vinnuna – en þegar ég heyrði í honum byrjaði ég aftur en náði samt að segja honum að ég væri að gráta af gleði.
Þetta er aldeilis frábært að geta haldið sig við fermingardaginn 24.mars fyrir Kristófer – best er að við verðum búin að standa í því áður en við höldum til Kína.
Nú er ég strax miklu rólegri og bíð bara spök eftir frekari fréttum
Bestu kveðjur
Hrönn – loksins orðin kínamamma !
Þegar við vorum aðeins búin að átta okkur á þessum óvæntu gleðilegu tíðindum voru það stoltir foreldrar sem sendu skilaboðin áfram til ættingja og vina. Það má svo sannarlega segja að hamingjuóskum rigndi yfir okkur og allir rosa spenntir að fá fekari fréttir.
Mitt í öllu þessu hafaríi nánar tiltekið sunnudaginn 3. febrúar fóru mamman og pabbinn á götumarkaðsútsölu í Kringlunni og keyptum "ditten og datten" (lauslega þýtt sittlítið af hverju !) Fundum eitthvað á okkur öll en MEST þó að litlu stelpuna okkar. Hér eru sýnishorn:
Engin ummæli:
Skrifa ummæli