8. nóv. 2006

Við pabbi sáum í fréttunum í gær að nokkrir ungir sjálfboðaliðar í Peking tóku sig til og föðmuðu fólk úti á götu. Mörgum kínverjum þótti þetta skrítið því þeir eru víst ekki mikið fyrir að faðmast. En við litum hvort á annað og sögðum að við skildum nú aldeilis faðma Stubbalínu okkar mikið.
Við amma fórum í heljarinnar rúnt að kaupa meira "skrapp" dót í Föndru. Amma keypti fallegan pappír og albúm til að gera um ömmu Hrefnu. Eftir það fórum við í pulsur á Bæjarins bestu og í Eymundsson. Margar flottar bækur m.a. nokkrar um Kína.
Ég held enn áfram að leita að góðum hugmyndum varðandi "skrappið" (pabba líkar ekki nógu vel við þetta orð - stakk uppá KLIPP).
Áðan skoðaði ég lukkudýr Olympíuleikanna 2008 í Bejjing. Þau heita Fuwa - 5 fígúrur í litum hringjanna. Hvað ætli við verðum að gera þegar leikarnir verða ??? Kannski þú horfir á eitthvað með pabba, Kristófer eða Guðnýju ?
Mamma