17. nóv. 2006 Breyta og bæta

Jæja nú er ég búin að vera veik heima og hef ekki getað skrifað neitt á síðuna afþví að við erum ekki komin með tölvu heima á Snekkjuvogi.
En ég var dugleg að koma hobby herberginu í lag og mikið er ég ánægð með það. Nú verður leikur einn að búa til fallega hluti - m.a. fyrir þig Stubbalína mín.
Það þarf ekki nema teygja sig aðeins til hægri eða vinstri, upp eða niður því þá er nóg af fallegu dóti: tölum, borðum, pallíettum, pappír og margt margt fleira. Ætli þú komir ekki til með að hafa gaman að skoða þetta allt eins og okkur hinum í fjölskyldunni ?
Fyrir helgi setti ég allar myndirnar sem ég fann um Kína, Kínadót og leikföng á geisladisk - hann er svo hægt að setja í DVD spilarann og skoða í sjónvarpinu. Ég vona að þér muni finnast það skemmtilegt.
Mamma